Markmið
Markmið félagsins er að stuðla að uppbyggingu líforkuvers á Dysnesi í Eyjafirði, þar sem áformað er að taka við dýraleifum til vinnslu. Með uppbyggingu líforkuvers verður kröfum um rétta meðhöndlun dýraleifa í efsta áhættuflokki fylgt, þar sem áhersla er lögð á fullnýtingu og framleiðslu orkugjafa.
Líforkuver ehf. starfar í anda hringrásarhagkerfisins. Þörf er á innviðum til að taka við efni sem í dag er urðað, með tilheyrandi umhverfisáhrifum. Uppbygging Líforkuvers á Dysnesi er mikilvægur liður í því að tryggja heilbrigði manna, dýra og umhverfis.
Til að byrja með verður unnið úr lífrænu efni úr efsta áhættuflokki, svokölluðu CAT1 efni, sem eru fyrst og fremst dýraleifar og dýrahræ. Vonir standa til að í framtíðinni byggist upp fjölbreytt starfsemi á Dysnesi, þar sem tekið er við öðrum lífrænum straumum til vinnslu.
Stjórn Líforkuvers ehf.
Albertína Friðbjörg Elíasdóttir,
SSNE
Ágúst Torfi Hauksson, Kjarnafæði/Norðlenska
Heimir Örn Árnason, Akureyrarbær
Jóna Björg Hlöðversdóttir,
SSNE
Jónas Þór Jónasson, Hörgársveit
Tímalína
Hér að neðan er stiklað á stóru í verkefninu frá ársbyrjun 2023 og til dagsins í dag.
Janúar 2023
Frumhagkvæmni-mat líforkuvers gefið út á vefnum eftir kynningu SSNE. Sjá nánar hér.
Mars 2023
Viljayfirlýsing um stofnun þróunarfélags um verkefnið undirskrifuð af sveitarfélögum innan SSNE
Október 2023
Félagið Líforkuver ehf. stofnað
Sótt um lóð undir líforkuver
Kynnisferð farin til Finnlands og Noregs.
Nóvember 2023
Kynningarfundur fyrir íbúa Hörgársveitar haldinn
Júní 2024
Lóð á Dysnesi úthlutað til Líforkuvers ehf.
Ágúst 2024
Matvælaráðherra opnar vefsíðu Líforkuvers á fundi í Hofi.
Sendu okkur skilaboð
og við höfum samband
Sign up to our newsletter